વિશ્વ માતૃભાષા દિવસ

Image via Wikipedia

મિત્રો
માતૃભાષાનું જતન કરવા માટે વિશ્વ કક્ષાએ પ્રતિ વર્ષે ૨૧મી ફેબ્રુઆરીએ વિશ્વ માતૃભાષા દિવસ તરીકે ઉજવણી કરવામાં આવે છે
આજે વિશ્વ માતૃભાષા દિવસ છે.
આજના આ પાવન દિવસ પર સૌપ્રથમ સંયુક્ત રાષ્ટ્ર સંઘનો આભાર માનવો રહ્યો કે જેમણે દરેક સંસ્કૃતિના માણસોને પોતાના મૂળ સાથે જોડવા માટે આ દિવસ ઉજવવાનું આયોજન કર્યું છે.આપણે જન્મ દિવસ ઉજવીએ છીએ તો ..વિશ્વ ગુજરાતી ભાષા દિવસ કેમ નહિ ..૧૯૯૯ નવેમ્બરમાં યુનેસ્કોએ માતૃભાષા ઉજવવાનું નક્કી કર્યું. જે ફેબ્રુઆરી, ૨૦૦૦થી દર વર્ષે મનાવવામાં આવે છે. જે પાછળનો મુખ્ય ઉદ્દેશ ભાષા અને સંસ્કૃતિની વિવિધતાને સન્માન આપવું તથા બહુભાષાવાદને પ્રોત્સાહન આપવું. દુનિયાની ૭૦૦૦થી પણ વધુ ભાષામાંથી અડધી ખલાસ થવાની તૈયારીમાં છે , દુનિયાની વિવિધ સંસ્કૃતિ ધરાવતા લોકો વચ્ચે સંવાદ અને સંપર્ક સાધવા તથા તેમને સમજવા માટે. દરેક સમાજની મૂર્ત કે અમૂર્ત ધરોહરને જીવંત રાખવા માટેનું સક્ષણ સાધન જો કોઈ હોય તો તે માતૃભાષા છે.
એકવીસમી ફેબ્રુઆરી આંતરરાષ્ટ્રીય માતૃભાષા દિવસ એ હકીકતમાં માતૃભાષા માટે આંદોલન દિવસ છે.

પરંતુ  હું તો અને ઉજવણી નો દિવસ કહીશ
કારણ ભાષા એ અભિવ્યક્તિ નું માધ્યમ છે. મારી માતૃભાષા માં હું મારા વિચારો અને મારી જાત ને વધુ સારી રીતે સ્પષ્ટ કરી શકું છું.

મા, માતૃભાષા અને માતૃભૂમિનો અન્ય કોઇ વિકલ્પ નથી!
ઇંગ્લીશને ભાંડવાથી આપણી ભાષા જીવી નહીં જાય તેના માટે આવું કામ થવું જોઇએ, જે ડગલાનો ધ્યેય છે

‘વાંચે ગુજરાત’ માણે ગુજરાત ,અનુભવે ગુજરાત,પામે ગુજરાત માતૃભાષા દ્વારા આ અભિયાન આપણા સૌનો  છે.

ડગલાના દેરક કાર્યક્રમમાં આપ સર્વેની હાજરી  સાક્ષી પૂરે છે કે આપ માતૃભાષાને ચાહો છો ..ભાઈ આપણાં બ્લોગ અને ડગલાનો  નો હેતુ પણ  આપણી માતૃભાષા છે ..આપણે બધા જોડાયા છે આટલે દુર આપણી માતૃ ભાષા ને કારણે જ તો ..કહેવાય છે કે, જ્યાં ન પહોંચે રવિ ત્યાં પહોંચે કવિ..પરંતુ, જ્યાં ન પહોંચે કવિ, ત્યાં પહોંચે ગુજરાતી.

અને

એટલે જ.. હા, આજના ‘વિશ્વ માતૃભાષા દિવસે’ આપ સર્વને ખૂબ ખૂબ શુભેચ્છાઓ..!!
લગભગ તમામ દેશોમાં ગુજરાતી પરિવારો વસે છે. આપણા માટે ગર્વની વાત એ છે કે, માત્ર પૃથ્વી પર જ નહીં પરંતુ, અંતરિક્ષમાં પણ ગુજરાતી મૂળનાં લોકો પહોંચી ગયા છે. આપણાં  ગુજરાતી કવિ એ પોતાની સુંદર કાવ્ય રચનામાં ઉલ્લેખ કર્યો છે કે, જ્યાં જ્યાં વસે એક ગુજરાતી, ત્યાં ત્યાં સદાકાળ ગુજરાત..જ્યાં જ્યાં બોલાતી ગુજરાતી, ત્યાં ત્યાં ગુર્જરીની મહોલાત..!! હા મિત્રો તો ચાલો આજના આ શુભ દિને આપણે માતૃભાષાની વંદના કરીએ છીએ,  પરંતુ તેને હવે થોડું વહાલ પણ  કરવાની જરૂર છે.  . તો માતૃ ભાષાને વહાલ  કરવા જરૂરથી પધારશો .. મિત્રો ટુક સમયમાં ડગલો  નવો ગુજરાતી પ્રોગ્રામ લઈને આવી રહ્યો છે .. તો ડગલાના અને શબ્દોનું સર્જનના બ્લોગ પર  આમત્રણ ની  રાહ જોજો .. ..http://gujaratidaglo.wordpress.com/…
ભાષા સાથેનો આપણો સંબંધ પરસ્પર છે. આપણે ભાષાને જીવાડશું, માનાં હેતથી માતૃભાષા આપણને જીવાડશે. …
“વિશ્વ માતૃભાષા દિવસ”ની શુભેચ્છાઓ સાથે

ગુજરાતી ભાષાનું ગૌરવ દર્શાવતી શ્રી ઉમાશંકર જોષી આ અમર રચના

જે જન્મતાં આશિષ હેમચન્દ્રની

પામી, વિરાગી જિનસાધુઓએ

જેનાં હિંચોળ્યા મમતાથી પારણાં,

રસપ્રભા ભાલણથી લહી જે

નાચી અભંગે નરસિંહ-મીરાં-

અખા તણે નાદ ચડી ઉમંગે

આયુષ્મતી લાડલી પ્રેમભટ્ટની

દ્રઢાય ગોવર્ધનથી બની જે,

અર્ચેલ કાન્તે, દલપત પુત્રે

તે ગુર્જરી ધન્ય બની ઋતંભરા 

ગાંધીમુખે વિશ્વમાંગલ્યધાત્રી

 

                                                                      – ઉમાશંકર જોષી (૧૯૧૧ – ૧૯૮૮)

 

આપણું જીવન સદવિચાર – સદાચારથી સુરભિમય બનાવીએ….

સુજ્ઞ દર્શક અને શ્રોતા,

ડગલોના આપના અપ્રતિમ પ્રેમ અને લાડ ના અમે ખુબ ખુબ ઋણી છીએ.

આપ સહુએ ડગલાની પ્રવૃત્તિ ને પ્રોત્સાહન આપ્યું છે .

તે બદલ ડગલો પરિવાર આપનો   આભાર માને  છે

‘આપના ડગલો માટેના પ્રેમ અને લાડ નું અસ્ખલિત ઝરણું અહર્નિશ વહ્યા કરે.

 એવી પરમપિતા પરમાત્માને પ્રાથના.અને

 નવું વરસ સુખમય,શાંતિમય અને આરોગ્યપ્રદ રહે તેવી હાર્દિક શુભેચ્છાઓ.

નાટ્ય મહોત્સવ-આપણી ભાષા આપણુ ગૌરવ

મિત્રો

ગુજરાત ફાઉન્ડેશન,શકુંતલા આર્ટસ ,અને ગુજરાત દર્પણ  ચાલુ વર્ષે નાટ્ય મહોત્સવ ઉજવે છે.

.એ સમાચાર સાથે  ઉજવણીમા  આવવા નિમંત્રણ મળ્યા .રંગભૂમિ ના માધ્યમ દ્વારા ગુજરાતી નાટક નો મેળાવડો યોજી આપ સહુ જે આપણી ભાષા,આપણી અસ્મિતા અને આપણા ગૌરવને  એક ગરિમાપૂર્ણ વયવહારથી સિંચી રહ્યાં છો એ ઉમદા કાર્યમા ડગલો આપને સંપૂર્ણ સાકાર  સાથે પ્રોત્સાહન આપે છે.આપ ગુજરાતી રંગભૂમિ’ના નાટકો અને તેમના કલાકારોની નાટ્યકલાનું સ્મરણ કરીને ગુજરાતની અસ્મિતાનું એક અલગ અંદાજથી દર્શન લોકોને કરાવશો. માટે જ ડગલો એક ગુજરાતી હોવાના ગૌરવ સાથે આપના ઉમદા કાર્યને બિરદાવે છે. પરદેશમાં તમારી  ભાષામાં તમે સ્વપ્ન જોઈ શકો.. જે ભાષામાં તમે મોકળા મને હસી કે રડી શકો તેનાથી વધારે બીજો આનંદ કયો હોય શકે …આજ રીતે માતૃભાષાને જાળવો અને માન વધારો.અમારા  ડગલા ગ્રુપના સર્વે સભ્યો વતી ફરી એક વાર આનંદ  વ્યક્ત કરું છું.

…. આ સાથે ખાસ ડગલાના મિત્રોને જણાવાનું કે જે કોઈને આ મેળાવડામાં જાવું હોયતો અથવા વધુ વિગત જોતી હોય તો  બે એરિયામાં આપણાં ડગલાના પ્રતિનિધિ રાજુભાઈ નો સંપર્ક કરવો..408-761-6079

ગુજરાત સમાચાર-ડગલાના અહેવાલ

ડગલો રાજેશભાઈ નો આભારી છે.

ગુજરાત ટાઈમ્સ માં ડગલાના સમાચાર

 ગીરીશભાઈ અને પ્રવીણભાઈ ડગલો આપનો આભારી છે

.

‘શબ્દના રસ્તે”

પરદેશમાં આપણી ગુજરાતી માતૃભાષા અને સંસ્કૃતિ
જીવંત રહે એ શુભ હેતુથી

‘ડગલો’એ રજૂ કરી મિલપિટાસ, કેલિફોર્નિયામાં ગઝલ, હઝલ, હાસ્ય મહેફિલ..

‘ડગલો’ એટલે ગુજરાતી સાહિત્ય, સંગીત દ્વારા ભાષાને જીવંત રાખવાનો નમ્ર પ્રયત્ન. છેલ્લા અઢાર મહિનાથી આ નાની સંસ્થા બે એરિયામાં   દર ત્રણ મહિને ગુજરાતી ભાષાના ચાહકોને કવિતા, સંગીત, વગેરેનો રસથાળ પીરસે છે.’ડગલો ‘નો હેતુ છેઃ આપણે સાથે મળીને ગુજરાતી ભાષા, સાહિત્ય, કવિતા, અને વાંચનને જીવીએ, માણીએ, રચીએ, અને સાચવીએ.

મિત્રો આપ સર્વેના સહકારથી ડગલો’ સંસ્થાએ મે ૨૧, ૨૦૧૧, શનિવારની સાંજે કેલિફોર્નિયાના મિલપિટાસ નગરમાં શ્રીનાથજી હવેલીમાં ‘શબ્દના રસ્તે…’ નામનો ગઝલ, હઝલ, અને હાસ્યરસનો કાર્યકમ રજૂ કર્યો હતો.એ માટે શ્રીનાથજી હવેલીનો-વૈષ્ણવ પરિવારનો ડગલો આભારી છે .

કવિઓ હતા છેક ભારતથી આવેલા ’શયદા’ પુરસ્કાર સન્માનિત ડો. રઈશ મનીઆર, ડો. વિવેક મનહર ટેલર, અને ન્યુજર્સી સ્થિત મોના નાયક (ઊર્મિ). મૂળ વતન સુરત ..કવિતા ઉપરાંત ખડ ખડ હસાવતા હાસ્યરસની મીઠ્ઠી મહેફિલ આશરે બસો શ્રોતાઓએ ખોબોભરીને  માણી..અમેરિકાની વ્યસ્ત જીંદગીમાં લોકો ને મન મૂકીને..  હસવાનો મોકો રઈશભાઈ આપ્યો હતો એમની હાસ્યની રજુઆત  અને  કવિતા ગળે ઉતરી જાય એવા હતા  …. તો.. વિવેકભાઈ ગંભીર કવિ  હોવા છતાં પણ હાસ્યમાં કયાંય ઉણા નોહતા ઉતર્યા.હાસ્યને પણ સુંદર રીતે રજૂ કરવામાં અને  કવિ  તરીકે બંને ડોક્ટરો સંપૂર્ણ સફળ રહ્યાં હતાં.એમના કાવ્યો ની રજુઆતે લોકોની દાદ મેળવી હતી .મોનાબેન  ને  ગઝલઅને હઝલ  વિશે ઘણીજ વિગતવાર વાતો અને સમજ આપેલ અને એમની  રજૂઆત સુંદર હતી ..ટુકમાં   આવ્યા અણે માણીયું  હતું અને જે નોતાં આવ્યા એણે ગુમાવ્યું  હતું.પ્રફુલભાઈ  પટેલ ના આભારથી  આપ આ ફોટો જોઈ શકો છો  .સાથે સાથે કાર્યક્રમમાં જાણીતા ગઝલકાર ડો. મહેશ રાવલની એક ઝલક   એમના થોડા શેર રજૂ  કરી આપી હતી  તથા ચંદ્રિકાબહેને એમના કાવ્યનું પઠન કર્યું હતું.એ સાથે બે અરિયા ગુજરાતી સમાજે આપેલો એવોર્ડ સાહિત્યકાર અને પત્રકાર ગીરીશભાઈ પરીખને  વિવેકભાઈના હસ્તે    ડગલાના પ્રોગ્રામમાં  અપાયો હતો ..ડગલો ગુજરાતી સમાજના    સહકાર માટે આભારી છે ..મધ્યાનતરમાં દીદી તરફથી આવેલ પાવભાજી સૌએ માણી એક વાત ખાસ કહેવાની રહે છે કે ડગલાના દરેક પ્રોગ્રામમાં દીદી નો  સહકાર મળ્યો છે . જેને લીધે ડગલો મહેફિલ સાથે ભોજન  પીરસી શકે  છે .કોઈએ  કહું છે તેમ ચા વગર મહેફિલ અધુરી છે તો મંજુબેન-ઇન્દુભાઇ ની ચા  માણી સૌ મેફીલમાં જોડાયી ગયા હતા.. ગુજરાતીઓ આમ તો વ્યાપારી પ્રજા ગણાય  એટલે એમની  ભાષા માં કહુંતો લોકો પૂરે પુરા પૈસા વસુલ કરીને અંત સુધી બેઠા.. પરન્તું  હાસ્યની સાથે સાહિત્ય અને ગુજરાતી ભાષાને માણી  કે જે ડગલાનો મુખ્ય હેતુ  છે ..સમય કયાં વીતી ગયો ખબર ના પડી .
અંતમાં ખાસ જણાવવાનું કે  આ  મેહેફીલનું આયોજન કરવા માટે   કાર્યક્રમને સફળ બનાવવા માટે ડગલાના  સભ્યોએ તો ખુબ જ જહેમત ઉઠા્વી હતી , કવિને આમંત્રણ આપવું,સ્પોન્સર્સ લાવવા ,  ટીકીટો છપાવવી અને વેચવી  ,હોલની વ્યવસ્થા જમવાનાનો  પ્રબંધ કરવો ,પ્રચાર માટે પોસ્ટર છાપવા  અને એટલું જ નહિ મહેમાનને સાચવવા થી  માંડીને દરેક   વ્યવસ્થા  કુશળતા પૂર્વક સંભાળી હતી.લોકો ડગલાને નાનો સમજતા હતા આજે જાણે મોટો થઇ ગયો.સમજદાર શ્રોતાઓ તરફથી કાર્યક્રમને જબરદસ્ત દાદ મળી હતી  અને તેના માટે પ્રક્ષકો પણ  અભિનંદનના અધિકારી છે.  .આપ સર્વેના સહકારથી ડગલો આન અને શાન  થી પણ વધુ પીરસશે… એમાં કોઈ શક નથી . આટલો લાંબો અહેવાલ લખવામાં શક્ય છે કે કોઇનો નામોલ્લેખ રહી ગયો હોય તો એ મારો હકીકત-દોષ સમજી ક્ષમ્ય ગણશો.

બે એરિયાના પત્રકાર પ્રવીણભાઈ દેસાઈ, ગીરીશભાઈ પરીખ તથા રાજેશભાઈ ના પ્રચાર પ્રસારમાં સહકાર માટે ડગલો આભારી છે.

તસ્વીર સૌજન્યઃ પ્રફુલ પટેલ, સનીવેલ, કેલિફોર્નિયા, ફોનઃ 408-720-0044, Cell: 408-244-2422)

શબ્દના રસ્તે